Ilham toxti: ' Uyghurbiz tor béti pat yéqinda échilidu'

Merkizi milletler uniwérsitétining oqutquchisi, Uyghurbiz torbétining sahibi ilham toxti, fransiye ziyaritidin qaytip kelgendin kéyin, Uyghurbiz torbéti taqiwétilgen idi.
Muxbirimiz gülchéhre
2009-03-06
Élxet
Pikir
Share
Print

Bügün ilham toxti radi'omiz muxbirining ziyaritini qobul qilip, torbetni eslige keltürüsh üchün qanuniy yol méngiwatqanliqini, torbetning yéqinqi 1 - 2 kün ichide qayta échilish mumkinchiliki barliqini bildürdi.

Ilham toxtining bildürüshiche, Uyghurbiz torbéti 2006 ‏ - yilidin bashlap échilghan, qisqa waqit ichide köp sanda abonént toplighan, xenzuche we Uyghurche bolup qosh tilliq torbettur. Nöwette bu torbet xitaydiki chong torbetlerdin biri sanilidu.

Nöwette Uyghur torbétining béyjingda ikki yerde ishxanisi, 8 neper ma'ashliq xizmetchisi, 70 nechche xalisane xizmetchisi bar. Torbetning yilliq chiqimi 278 ming yüen. Ilham toxti mezkur torbetning özining shexsiy tirishchanliqi bilen emes, belki bir türküm oyghan'ghan ziyaliylarning tirishchanliqi bilen tereqqiy qilghanliqini؛ bu torbetni merkez qilip pa'aliyet élip bériwatqan yashlarning, xenzulargha Uyghurlarning ehwalini tonushturuwatqanliqini, Uyghurlar arisida bolsa, qanuniy oyghinish élip bériwatqanliqini bildürdi. U sözide Uyghurbiz toridiki maqalilarda elwette tenqidiy maqalilar barliqini, emma qanun'gha xilap maqalilar yoqluqini shunga yéqinqi 1 - 2 kün waqit ichide torbetning eslige kélidighanliqigha ishinidighanliqini bildürdi.

Uyghur biz torbéti, bu nöwet, mushu ikki yil ichide 4 ‏- qétim taqilishidur. Arqa - arqidin taqilish, torbetning élan kirimige éghir tesir yetküzgen. Aldinqi bir qétimliq taqilishta, mezkur torbet, melum bir élan shirkitige 320 ming tölem töligen.

Ilham toxti bu torbetke özi we sepdashlirining köp ejri singgenlikini, shunga barliq imkanliri bilen torbetni échishni dawamlashturidighanliqini bildürdi.


Toluq bet