Uyghur tilini bilgen xitay yazghuchisi üchün mexsus kutupxana qurulmaqta

Uyghurlarning molla bilal nazim, zunun qadir, lutpulla mutellip, téyipjan éliyup, zordun sabir we hazirqi zamandiki dangliq namayendiliridin memtimin hoshur shuningdek rozi tembur, zikri elpetta, abduweli jarulla we pasha ishan qatarliq yüzligen edib we muzikantlirini terbiyilep östürgen ili derya wadisida 60 - 70 - yillarda bir mezgil hayat kechürüp, özi körgen Uyghur hayati heqqide hékayiler yazghan ataqliq xitay yazghuchisi wang méng üchün mexsus kutupxana qurulmaqta.
Muxbirimiz shöhret hoshur
2012.06.22


Shinxu'a agéntliqining xewer qilishiche, “Wang méng kütüpxanisi” dep nam bérilgen bu qurulush wang méng bir mezgil yashighan ghulja shehirining yénidiki bayanday bazirida quruluwatqan bolup, qurulushning igiligen omumiy yer meydani 5.5 Mo, kütüpxanining igiligen orni 700 kwadratmétir kélidiken. Bu jaygha wang méngning pütün eserliri we bashqa kitablar qoyulup, ili wadisidiki déhqanlar kütüpxanisigha aylandurulidiken.

Dangliq xitay yazghuchiliri ichide birdin bir Uyghur tilini bilgen wang méngning xatirisi üchün mexsus yasiliwatqan bu kütüpxana qurushni xitay neshriyat shirketler guruhi bilen shinjang Uyghur aptonom rayonluq neshriyat - axbarat idarisi birlikte qarar qilip meblegh salghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.