2009 - Йилида уйғур дияриниң әйдиз вәзийити йәниму еғирлашти

Уйғур дияриниң2009 - йиллиқ әйдиз әһвали йәниму еғирлашқан. Үрүмчи хәвәрлиридин мәлум болушичә, уйғур диярида әйдиз билән юқумланғанларниң сани алдинқи йил охшаш мәзгилгә қариғанда 27 пирсәнт ашқан.
Мухбиримиз ирадә
2009.06.25
Share on WhatsApp
Share on WhatsApp

Буни җуңго қизил крист җәмийити әйдизниң алдини елиш вә меһир - шәпқәт қурулуши 24 чесла үрүмчидә елан қилған болуп,   2009 - йили 3 - айниң ахириғичә елип берилған ситатистика нәтҗисидин қариғанда, һазир уйғур диярида тизимлатқан әйдиз билән юқумланғучи 25694 нәпәр икән. Кесәл қозғалғанлар 3083, өлгәнләр болса 1720 нәпәр болуп, юқумлиниш әһвали бойичә хитайда 4 - орунда туридикән.

Доклаттин мәлум болушичә йәнә, уйғур аптоном райони һазир әйдиз билән юқумлиниш әһвали интайин еғир районларниң бири болуп, омумий нопусниң әйдиз билән юқумлиниш нисбити 13.0 Пирсәнт икән. Бу рәқәм пүтүн хитай омумий нопусиниң 05.0 Пирсәнтлик сәвийсидинму юқири болған болуп, омумий нопус нисбити бойичә һесаблиғанда, хитай бойичә 2 - орунда туридикән.

Хәвәрләрдин мәлум болушичә йәнә, уйғур дияридики әйдиз билән юқумланғучиларниң сани 60 миң киши дәп тәхмин қилинимақта икән.

Гәрчә хитай һөкүмити өзлириниң әйдизниң алдини елишта үнүмлүк тәдбирләрни йолға қоюватқанлиқини дәватқан болсиму, әмма хәлқарадики сәһийә вә әйдизгә қарши туруш тәшкилатлири хитайниң әйдизниң алдини елиш хизмәтлиригә тутқан позитийисни тәнқид қилип кәлмәктә. Уйғур дияридин кәлгән инкасларму буни тоғрилимақта.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт