Uyghur diyaridin chiqidighan néfit we teb'iy gaz miqdari üzlüksiz ashmaqta

Uyghur diyari ‏xitay buyiche eng chong néfit, tebi'iy gaz bayliqi mol hem merkezlik jaylashqan rayon bolup, xitay axbarat wastiliri peyshenbe küni, bu yilning aldinqi yérimida rayonda ishlepchiqirilghan xam néfit mehsulat miqdarining 13 milyon tonnidin ashqanliqini, tebi'iy gaz miqdarining 11 milyard 940 milyon kupmétirgha yétip, ötken yildikidin %16 ashqanliqini élan qildi.
Muxbirimiz eqide
2008-09-25
Share

Xewerdin yene melum bolushiche, Uyghur élide 2007 ‏ - yili ishlepchiqirilghan xam néfit mehsulat miqdari 26 milyon 400 ming tonnigha, tebi'iy gaz miqdari 21 milyard 100 milyon kupmétirgha yétip, bu rayon pütün xitay buyiche eng chong néfit, tebi'iy gaz ishlepchiqirish rayonigha aylan'ghan.

Xitay hökümiti, hazirgha qeder gherbning gazini sheriqqe yetküzüsh, xitay - qazaqistan xam néfit turuba liniyisi, ürümchi - lenju teyyar may turuba liniyisi, gherbiy diyar xam néfit turuba liniyisi qatarliq néfit qurulushlirini ishqa ashurup, xitay sheherlirini yéqilghu we énirgiye bilen teminlimekte hemde buningdin köp iqtisadiy menpe'etlerge érishmekte.

Biraq, chet'ellerde Uyghurlarning siyasiy menpe'eti üchün pa'aliyet élip bériwatqan Uyghur teshkilatliri izchil türde, Uyghur diyaridiki mol néfit bayliqidin Uyghur xelqining qilche menpe'etlinelmey kéliwatqanliqini, déhqanlarning turmush sewiyisining töwenlikini, Uyghur ishsizlar sanining köplikini, omumen Uyghurlarning namratliqta yashawatqanliqini ilgiri sürmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet