Xitay sitatstikisida Uyghur élidiki xitay nopusi 10 yilda bir milyon 260 ming köpeygenliki melum qilindi

Xitay hökümiti élan qilghan 6-qétimliq nopus tekshürüsh netijisidin melum bolushiche, Uyghur aptonom rayonida muqim olturaqlashqan xitaylar nopusi 8 milyon 746ming 148 kishige yetken bolup, rayondiki yerlik milletlerning köpiyish nisbitidin yuqiri yaki töwen bolghanliqi melum emes.
Muxbirimiz méhriban
2011-05-17
Share

Muqim olturaqlashqan köchmen xitaylar rayondiki omumiy nopusning 40.1% Ini igiligen.Rayondiki Uyghur qatarliq barliq milletler nopusi 13 milyon 67 ming 186 neper dep élan qilinip, omumiy nopusning 59.9% Ni igiligen. Epsuski, xitay hökümiti melumatida Uyghur qatarliq yerlik milletlerning ayrim nopus sanini élan qilishni muwapiq körmigen.

Uyghurbiz tor békitining xelq'ara tor békitide 17-may élan qilin'ghan rayondiki nopus heqqidiki sélishturma melumatta déyilishiche, 2000-yilidiki nopus tekshürüshte, rayondiki muqim olturaqlashqan köchmen xitaylar nopusi 7 milyon 489 ming 919 neper dep élan qilin'ghan bolup, Uyghur rayonidiki xitaylarning 10 yilda bir milyon 260 ming neper köpeygenliki bayan qilin'ghan. Emma xitayning élan qilghan statistikisidin Uyghurlarning 10 yilda zadi qanchilik köpeygenlikini éniqlash mumkin bolmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet