Уйғур елидә сирттин кәлгән 6 милйон киши "йәрликләштүрүлди"

Уйғур аптоном район даирилири һазир хитай өлкилиридин кәлгән хитай көчмәнләрниң мәнпәитигә капаләтлик қилиш үчүн уларни көчмә нопустин "турақлиқ йәрлик нопус" қа өзгәртиш хизмитини кәң қанат яйдуруп, қисқиғинә бир йил ичидә 6 милйон кишини уйғур елиниң турақлиқ нопусқа ериштүргән.
Мухбиримиз ирадә
2012-07-12
Share

Хитайда чиқидиған қанунчилиқ гезитиниң хәвиридин қариғанда, уйғур аптоном район даирилири көчмә нопусларға беридиған кинишкини турақлиқ олтурақлишиш кинишкисиға айландуруш хизмитини өткән йили 10-айда башлиған. "сирттин кәлгән 6 милйон киши йәрликләштүрүлди" дәп нәқил қилинған. Хәвәрдә мундақ дейилгән :
-юқиридики қарарға асасән уйғур аптоном райони сирттин кәлгән көчмә нопусларни турақлаштуруш хизмитини чиң тутуп ишләп, яқа юртлуқларға "шинҗаңға кәлсәңла, сән шинҗаңлиқ" дегәнни һес қилдуруп, уйғур елиниң барлиқ җайлирида туруватқан сирттин кәлгән 6 милйон кишиниң иззитини вә турмуш сүпитини өстүрди.

Уйғур елигә қисқиғинә бир йилғиму йәтмигән вақит ичидә турақлаштурулған нопус саниниң бундақ көплүки көзәткүчиләрниң диққитини қозғиди. Улар, хитай һөкүмитиниң көчмән йөткәшни әсәбийләрчә давам қилиши вә буниң әксичә уйғур яшлирини түрлүк баһаниләр билән хитай өлкилиригә қоғлиши хитай һөкүмитиниң ассимилятсийә нийитини очуқ көрситип бериду, демәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт