Uyghur élide sirttin kelgen 6 milyon kishi "Yerlikleshtürüldi"

Uyghur aptonom rayon da'iriliri hazir xitay ölkiliridin kelgen xitay köchmenlerning menpe'itige kapaletlik qilish üchün ularni köchme nopustin "Turaqliq yerlik nopus" qa özgertish xizmitini keng qanat yaydurup, qisqighine bir yil ichide 6 milyon kishini Uyghur élining turaqliq nopusqa érishtürgen.
Muxbirimiz irade
2012-07-12
Share

Xitayda chiqidighan qanunchiliq gézitining xewiridin qarighanda, Uyghur aptonom rayon da'iriliri köchme nopuslargha béridighan kinishkini turaqliq olturaqlishish kinishkisigha aylandurush xizmitini ötken yili 10-ayda bashlighan. "Sirttin kelgen 6 milyon kishi yerlikleshtürüldi" dep neqil qilin'ghan. Xewerde mundaq déyilgen :
-Yuqiridiki qarargha asasen Uyghur aptonom rayoni sirttin kelgen köchme nopuslarni turaqlashturush xizmitini ching tutup ishlep, yaqa yurtluqlargha "Shinjanggha kelsengla, sen shinjangliq" dégenni hés qildurup, Uyghur élining barliq jaylirida turuwatqan sirttin kelgen 6 milyon kishining izzitini we turmush süpitini östürdi.

Uyghur élige qisqighine bir yilghimu yetmigen waqit ichide turaqlashturulghan nopus sanining bundaq köplüki közetküchilerning diqqitini qozghidi. Ular, xitay hökümitining köchmen yötkeshni esebiylerche dawam qilishi we buning eksiche Uyghur yashlirini türlük bahaniler bilen xitay ölkilirige qoghlishi xitay hökümitining assimilyatsiye niyitini ochuq körsitip béridu, démekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet