Хизмәтчи қобул қилишта уйғурларниң кәмситилишкә учраватқанлиқи илгири сүрүлмәктә

Ғәрб мәтбуатлирида уйғур елидә хизмәтчи қобул қилишта уйғурларниң кәмситилишкә учраватқанлиқи илгири сүрүлмәктә.
Мухбиримиз җүмә
2010-07-05
Елхәт
Пикир
Share
Принт

Франсийә агентлиқиниң нәқил қилишичә, үрүмчидики бир дукандар қиз турсунгүл: " бу йәрдә чәтәлләргә берип кәлгән, япончә вә инглизчини судәк билидиған уйғурларму көп. Әмма шундақ болсиму, улар йәнила хизмәтсиз йүрүшмәктә." Дегән.

Турсунгүл өзидин әнсирәп исмини өзгәртип дәп бәргән. У, өзиниңму көп қетим хизмәт издигәнликини билдүргән вә " улар мени уйғур болғанлиқим үчүн қобул қилишмиди" дегән.

Хәвәрдә көрситишичә, шу сәвәбидин бәзи уйғурлар хитайниң башқа өлкилиригә берип хизмәт издәшкә киришкән. Һалбуки 26 - июн шавгуән вәқәсидин кейин уйғурлар хитайға бериштин әнсирәйдиған болуп қалған.

Хәвәрдә нәқил қилишичә йәнә, үрүмчидики бир ашпәз уйғурларниң нөвәттә хитайниң башқа җайлириға асан бармайдиғанлиқини билдүргән. У мундақ дегән: "өткән йили немә болғанлиқиға қараң. Уйғурлар өлтүрүлди."

2009 - Йили 26 - гуаңдуң өлкиси шавгуән шәһиригә җайлашқан оюнчуқ завутидики хитай ишчилар уйғур ишчиларға һуҗум қилип 2 уйғурни өлтүргән. Мәзкур вәқә адил бир тәрәп қилинмиғандин кейин, шу йили үрүмчидики уйғурлар қозғилип " 5 - июл үрүмчи вәқәси" келип чиққан иди.
Пикирләр (0)
Share
Толуқ бәт