Баш бәт | Тәпсилий хәвәр | Қисқа хәвәрләр

Хитай мәтбуатлириниң хәвәр қилишичә, уйғур елидики оттура башланғуч мәктәпләрдин 725 нәпәр оқутқучи, хитайниң бейҗиң, шаңхәй, тйәнҗин қатарлиқ шәһәрлиригә хитай тили бойичә бир йиллиқ тәлим ‏- тәрбийигә әвәтилгән.

• Принт
• Һәмбәһр
• Пикир
• Елхәт

Хәвәрдә билдүрүлүшичә, уйғур елидики қош тиллиқ маарип қурулушиға, хитай мәркәз малийисидин 446 милйон йүән, йәрлик малийидин 10 милйон йүән мәхсус хираҗәт аҗратқан.

Пилан бойичә, хитай 2009 ‏ ‏- йили билән 2012 ‏ ‏- йили арисида җәмий, 2000 оқутқучини хитай өлкилиридә тәрбийилимәкчи. Хитай мәтбуатлирида аталмиш"қош тиллиқ маарип " бойичә тәрбийилиниватқан вә ишқа чүшүватқанлар һәққидә көпләп хәвәрләр бериливатқан болсиму, қош тиллиқ маарип сәвәбидин ишсиз қалған уйғур оқутқучилири вә уларниң турмуш мәсилилири һәққидә һечқандақ мәлумат берилмәйватиду.

Хитай мәтбуатлирида йәнә аталмиш қош тиллиқ маарипқа қарита йәрлик хәлқниң наразилиқ пикир вә әндишилириму изчил чәклинип кәлмәктә.

Уйғур елиниң сиясий вәзийитидин қариғанда, хитай даирилириниң уйғур миллий кимликини районниң муқимлиқиға асаслиқ тәһдит дәп көрүватқанлиқи вә бу кимликни аҗизлаштуруш үчүн, уйғур тил ‏- йезиқини йоқ қилишқа тез вә чоң қәдәм билән һәрикәт қиливатқанлиқи ашкариланмақта.

Әмма зориға елип бериватқан бу сиясәтләрниң хитай күткәндәк нәтиҗә беришигиму бир түркүм көзәткүчиләр гуман билән қаримақта.

• Бүгүнки аңлитиш
• Илгирики аңлитишлар