Mékiskining shtat bashliqi choshqa zukami wirusi xitaydin kelgen dep jakarlidi

Mékiskining wérakuruz shtatining bashliqi fidél hérréra düshenbe küni choshqa zukamining wirusi xitaydin kelgen dep jakarlighandin kéyin, bir munche uchur wastiliri uning sözini neqil keltürüp, mékiskida partlighan choshqa zukamining xitaydin kelgenlkini bayan qilghan idi.
Muxbirimiz weli
2009-04-29
Share

Xitay bügün mékiskida partlighan choshqa zukamining menbesi xitaydin kelgen dégen hökümni ret qildi we buninggha qattiq naraziliq bildürdi.

Fransiye agéntliqining bayan qilishiche, xitay yéza igilik ministirliqining bayanatchisi maw chu'en bügünki bayanatida 'bu, meqsetlik halda toqulghan éghwa we dölitimizning obrazini bulghighanliq' , dep naraziliq bildürdi. U bayanatida yene, 'gerche dölitimizning shimal terepliride bir qisim oqughuchilarda B tipliq zukamgha oxshap kétidighan késellik alametliri körülgen bolsimu, emma bu adettki zukam' , 'biz hazir choshqa zukami tarqalghan amérika, mékiska qatarliq döletlerning A/H1N1 belgilik choshqa zukamini téz birterep qilishigha yardemlishiwatimiz' dep jakarlidi.
 
Xewerde bayan qilinishiche, 2007 ‏ - yili xitayning yéza igilik ministi'irliqi kök qolaq choshqida késellik bayqaldi dep jakarlap 80 ming choshqini we yene bashqa haywanatlardin 235 mingni öltürgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet