Uyghurlar ürümchide qorulidighan wolkiswagén aptomobil zawutining Uyghurlar üchün payda keltürüshini telep qildi

Gérmaniyidiki Uyghur jama'itining bir qisim wekilliri dunya Uyghur qurultiyi, xeter astidiki milletlerni qoghdash teshkilati qatarliq teshkilatlarning uyushturushi bilen 22 - april küni gérmaniyining xannowér shehirige jem bolup, xitay démokratliri, falün'gongchilar we tibetler bilen birlikte xitay bash ministiri wén jabawning ziyaritige naraziliq bildürüsh namayishi ötküzdi.
Muxbirimiz ümidwar
2012.04.22

Uyghur namayishchilirining tüp meqsiti gérmaniye hökümiti we xitay hökümitidin gérmaniyining ürümchide qurmaqchi bolghan wolkiswagén aptomobil shirkitining zawutining Uyghur élining yerlik ahalisi bolghan Uyghurlargha payda keltürüshi, Uyghurlarning bu zawutqa köplep ishchiliqqa qobul qilinishi, gérmaniye hökümitining Uyghurlarning kishlik hoquq weziyitige yéqindin diqqet qilishini telep qilishtin ibaret.

Namayish jeryanida xeter astidiki milletlerni qoghdash teshkilatining re'isi ulix bériyus ependi ürümchide qurulghan bu zawut mesiliside özlirining gérmaniye we xitay hökümetliridin Uyghurlarning insan hoquqi mesilisige alahide diqqet qilish kérekliki we bu zawutqa köplep Uyghurlarni ishqa élish lazimliqini telep qilidighanliqini otturigha qoydi.

Wén jabaw xannowér shehiride ikki kün ziyarette bolmaqchi hemde 23 - chisla gérmaniye terep bilen iqtisadiy hemkarliq kélishimliri imzalaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.