Вакаләтсиз милләтләр тәшкилати шәрқий түркистан сәһиписидә японийиниң уйғурларни қоллиғанлиқини гәвдиләндүрди
Мухбиримиз вәли
2012.04.25
2012.04.25
Радиомиз инглизчә елан қилған хәвиридә, уйғурларни қоллайдиған японийә дөләт мәҗлиси әзалириниң йетәкчиси сабиқ баш министир шинзо абе тарихи, мәдәнийити, әнәниси, дини вә миллий кимлики хитай тәрипидин йоқитилишқа башлиған уйғурларниң кишилик һоқуқини қоллайдиғанлиқини җакарлиди дәп баян қилған иди.
Японийидә чиқидиған “асахи шинбун” гезитиниң бүгүн уйғурлар һәққидә елан қилған хәвиридин мәлум болушичә, японийидә һазир миңдәк уйғур яшайду. японийидә йәнә 2008-йили қурулған японийә-уйғур җәмийити паалийәт елип бериватиду. японийә әмди 1930-йилларда совет иттипақи билән хитай бирлишип ағдурған шәрқи түркистан җумһурийитиниң мәшһур генерали мәхмут муһити японийигә келип ярдәм тәләп қилған дәврдики мунасивәтни әслигә кәлтүрмәкчи.