Xitay Uyghur élining bir qisim rayonlirida yulun yallughigha qarshi waksina emlesh nisbitini élan qildi

Xitay sehiye da'iriliri jüme küni xotende bayqalghan yulun yallughi wirusi heqqide axbarat élan qilip, Uyghur élide yulun yallughigha qarshi waksina emlesh nisbitining 95% ke yetküzülgenlikini bildürdi.
Muxbirimiz erkin
2011-10-21
Share

Shinxu'a agéntliqining xewer qilishiche, 9-ayning béshidin axirlirigha qeder élip bérilghan 1‏-türkümde 9 milyon 300 ming adem emlen'gen. Bu qeshqer, xoten qatarliq 5 oblast, wilayettiki bezi nuqtiliq rayonlarda 15 yashtin yuqiri 39 yashtin töwen kishilerge élip bérilghan emleshni öz ichige alidiken.

Xitay sehiye da'iriliri 2-türkümde yene, 3 milyon 800 mingdin artuq ademge waksina emlen'genliki, tutqiliq rayonlarda 15 yashtin töwen balilargha, nuqtiliq bolmighan rayonlarda 5 yashtin töwen balilargha emlesh élip bérilghanliqini bildürgen.

Xotende bayqalghan yulun yallughi wirusi dunya sehiye teshkilatining diqqitini qozghighan we xoten'ge mutexessislerni ewetken idi.

Mezkur wirus xotende bu yil 7-ayda bayqilip, 9 balining bu wirustin yuqumlan'ghanliqi, ularning ichidin bir balining ölgenliki ilgiri sürülgen. Wirus 7-ayda bayqalghan bolsimu, biraq xitay sehiye da'iriliri dunya sehiye teshkilatini mezkur wirustin 9-ayda xewerdar qilghan.

Mezkur wirus dunya sehiye teshkilatining diqqitini qozghighandin kéyin, xitay hökümiti Uyghur élide balilargha omumi yüzlük yulun yallughigha qarshi waksina emleydighanliqini jakarlighan. Lékin, dunya sehiye teshkilatidiki mutexessisler xitayni wirus bayqalghandin kéyin alman-talman tedbir élishtin köprek, rayonning saqliqni saqlash eslihelirini kücheytip, aldin'ala tedbir élishni tewsiye qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet