Wang léchüen xitayning türkiyidiki bash elchisi gung shawshing bilen pinhan uchrashqan

Shinjang axbarat tori"ning xewer qilishiche, terepler seyshenbe küni uchrashqan bolup, wang léchüen "türkiye bilen 'shinjang' ning medeniyet we örp - adet jehetlerde yéqinchiliqi barliqi.... Shinjang bilen türkiye arisidiki tashqi soda we meblegh sélinmisi jehetlerde ilgirilep, köp tereplimilik, köp qatlamliq alaqe we hemkarliqni qanat yaydurush"ni ümid qilidighanliqini tekitligen.

Gung shawshing bolsa xitay elchixanisining "shinjang" partkomi we hökümiti bilen aktip masliship, alaqe we teshwiqatni kücheytip béridighanliqi, muqimliqni we tereqqiyatni qoghdaydighan türlük xizmetlerni yaxshi ishleydighanliqini bildürgen. Türkiye prézidénti abdulla gül yéqinda bir heptilik xitay ziyaritining axirqi küni ürümchini ziyaret qilip, aptonom rayonning re'isi nur bekri we wang léchüenni qobul qilghan idi.

Abdulla gülning ürümchi ziyariti xitay hökümiti qeshqer qedimiy sheher restilirini chéqiwatqan mezgilge toghra kelgen idi . U, ürümchidiki bir qétimliq sözide Uyghurlarni türkiye - xitay munasiwetliridiki muhim bir amil, dégen. Lékin gülning xitaylargha Uyghurlarning diniy, medeniyet we kishilik hoquq mesililiri türkiye köngül bölidighan mesililerdin ikenlikini otturigha qoyghan yaki qoymighanliqi melum emes.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar