Wang lijünning kéler hepte chungchingda sotlinidighanliqi bildürüldi

Chungching shehirining sabiq mu'awin sheher bashliqi, qoshumche sheherlik j x idarisining bashliqi wang lijünning kéler hepte chungchingda sotlinidighanliqi bildürüldi.
Muxbirimiz erkin
2012.08.10
Share on WhatsApp
Share on WhatsApp

Xongkongda chiqidighan “Jenubiy junggo etigenlik géziti” ning chongchidiki weqedin xewerdar bir emeldarning sözini neqil keltürüp xewer qilishiche, wang lijün weten'ge xa'inliq qilish bilen eyiblinidiken. Xitay qanuni boyiche bolghanda mezkur jinayet bilen eyiblen'gen kishige éghir bolsa ölüm jazasi bérilidu.

Biraq weqedin xewerdar yuqiriqi zat, wang lijünning tekshürüsh xizmitige yaxshi maslashqanliqi, shuning üchün uning kengchilik bilen bir terep qilinishi mumkinlikini bildürgen. Wang lijün bu yil 2‏-ayda amérikining chéngdudiki konsulxanisigha qéchip kiriwélip, chungching partkom sékrétari bo shley we uning ayali gu keyleyning qilmishni pash qilghan.

Gu keyleyning en'gliyilik sodiger né'il xeywudni zeherlep öltürgenlikini ashkarilap, zor ghulghula qozghighan idi. U, amérika konsulxanisida bir kündek qalghandin kéyin, konsulxanidin chiqip béyjing merkizi hökümet da'irilirige özini melum qilghan jüme küni, enxuy xéféy sheherlik ottura sot mehkimisi sot échip, burun wang lijünning qol astida xizmet qilghan 4 neper yuqiri derijilik chungching saqchi emeldarini sotlighan. Ularni gu keyleyning qatilliq qilmishini yoshurghan, dep eyibligen. Mezkur mehkime buningdin bir kün burun gu keyleyni qesten adem öltürüsh bilen eyiblep sotlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.