Хитай даирилири ваң лиҗүнни мәхпий сотлиди

Чуңчиң шәһириниң сабиқ муавин башлиқи, сақчи идарисиниң моңғул миллитидин болған башлиқи ваң лиҗүн 13-авғуст күни чеңду оттура хәлқ соти тәрипидин мәхпий сотлинишқа башлиди.
Мухбиримиз меһрибан
2012-08-14
Share

Хитай даирилири ваң лиҗүнниң делоси дөләт бихәтәрликигә тақилидиған мәсилиләргә четилидиғанлиқи үчүн, сот тәртиплириниң йепиқ һаләттә елип берилидиғанлиқини, мәтбуатларға сот әһвали һәққидә учур берилмәйдиғанлиқини уқтурған. Әмма бирләшмә агентлиқ, б б с агентлиқи қатарлиқ хәлқара мәтбуатларниң бүгүнки хәвиридә, ваң лиҗүнниң “ дөләт бихәтәрликигә зиянкәшлик қилиш ” һәм “ дөләт мәхпийәтликини ашкарилаш” җинайити билән әйиблиниватқанлиқи илгири сүрүлди.

Бу йил 2-айда, илгири чуңчиң шәһәр башлиқи бо шиләйниң ишәнчлик адими дәп қаралған ваң лиҗүнниң америкиниң чеңдудики консулханисиға кирип, бо шиләйниң аяли гу кәйләйниң әнглийилик содигәр хәйивудни зәһәрләп өлтүргәнликигә аит пакитларни билгини үчүн, бо шиләйниң униңға зиянкәшлик қилмақчи болғанлиқини билдүрүп, америка консулидин өзиниң бихәтәрликини қоғдашни тәләп қилғанлиқи, арқидинла ваң лиҗүнниң бейҗиң даирилири тәрипидин елип кетилгәнлики һәққидики хәвәрләр берилгән иди.

15-Март күни хитай даирилири йәнә чуңчиң шәһәр башлиқи бо шиләйни вәзиписидин қалдуруп, униң аяли гу кәйләйни әнглийилик содигәр хәйивудни қәстләп өлтүрүш җинайити билән әйибләп, қолға алған иди. Мәтбуат хәвәрлиридин мәлум болушичә, өткән һәптидин башлап хитай даирилири гу кәйләй үстидинму сот ачқан болуп, нөвәттә бо шиләйниң кейинки тәқдириниң қандақ болуши һәққидики қияслар хәлқара мәтбуатларниң қизиқ нуқтиси болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт