Ваң лечуән 'үрүмчи вәқәсини рабийә қадир пәйда қилди' дәватқанда, хитайлар 'юқалсун ваң лечуән 'дәп намайиш қилғанлиқи уқушмаслиқ әмәс

'Мәркизи агентлиқи'ниң бүгүн баян қилишичә, йеқинида бейҗиңдики милләтләр мәдәнийәт сарийида 'йәттинҗи ийол үрүмчи вәқәсини тинҗитиш көргәзмиси' ечилған иди.
Мухбиримиз вәли
2009.09.05

Бу көргәзмини көрүш үчүн тәшкилләп әкәлгән кишиләрдин, бейҗиңдики иқтисадшунас пең диңдиң 'бу көргәзмидә үрүмчи вәқәсиниң җавапкарлиқи пүтүнләй рабийә қадирға артип қоюлған. Әмма мушу бирнәччә күн ичидә, үрүмчидә хитайлар намайиш қилип тиғ учини рабийә қадирға әмәс, бәлки бивастә ваң лечуәнгә қаратти. Бу, һечқачан бир уқушмаслиқ әмәс' дегән.

'Мәркизи агентлиқи'ниң баян қилишичә йәнә, бу көргәзмини көргән тор язғучиси яң хеңҗүн 'вәқәниң җавапкарлиқи пүтүнләй рабийә қадирға артип қоюлған бу көргәзмидин, мәркизи һөкүмәтниң өзидики хаталиқларни юшуруш үчүн ваң лечуәнни ағдуруш мәқсити барлиқиниму һес қилдим' дегән.

Әмма шинҗаң иҗтимаи пәнләр академийисиниң террочилиққа қарши туруш мутәхәссиси пән җжпиңниң бүгүн 'мәркизи агентлиқи'ға, һазир үрүмчидә нәччә онмиңлиған хитай кучиларға чиқип намайиш қиливатиду, бу һечким қутратмиған яки тәшкиллимигән намайиш. Әгәр 'йиңнә санҗиш партийиси'ниң һәрикити алдин ала зәрбә бериш сиясити буйичә дәрһал үзүл - квсил юқитилмиса, вәзийәтниң яхшилинишидин үмид күткили болмайду, дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.