Вашингтондики уйғурлар қурбан һейт намизини түркләр билән биллә оқуди

Америкиниң вашингтон вә униң әтрапида яшаватқан уйғурлар, қурбан һейт намизини бүгүн йәнә сәйшәнбә күни әтигәндә бу йәрдики түрк җамаити билән биллә оқуди. Намаз ахирида уйғурлар, 5 ‏- июл шеһидлири үчүн дуа қилди. Мәһбус вә мәһбус аилилиригә җанабий аллаһтин асанлиқ тилиди.
Мухбиримиз шөһрәт һошур
2010-11-16
Share

Җамаәт намаздин кейин өз ‏- ара саламлашқандин кейин, әтигәнлик наштида биллә болди. Вашингитон әтрапида яшаватқан уйғурлар билән түркләр арисидики мунасивәт йеқинқи бир йил ичидә алаһидә көзгә челиқмақта.

Уйғурлар 12 ‏- ноябир күни өткүзүлгән шәрқи түркистан җумһурийитини хатириләш паалийитиниму түркләрниң паалийәт залида елип барған иди.

Уйғур көзәткүчиләр, йеқинқи бир қанчә қетимлиқ һейт намазлирида намайән болған уйғурлар билән түркләр арисидики зич йеқинлишишқа, икки тәрәпниң диний вә етник қериндашлиқидин башқа, 5 ‏- июл вәқәси йүз бәргәндә түркийә баш министири рәҗәп тайип әрдағанниң уйғуларни ашкара вә қәтий позитсийә билән қоллишиниң сәвәб болғанлиқини баян қилмақта.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт