Wén jabawning armiyige bolghan mutleq rehberlikni tekitlishide seweb bar

B b s ning bayan qilishiche, xitayning bash ministiri wén jabaw béyjingdiki ikki chong yighinda, kommunist partiyining azadliq armiyige bolghan mutleq rehberlikini tekitligende, anglighuchilar wén jabawning teleppuzigha heyran qalghan.
Muxbirimiz weli
2012-03-07
Share

Wén jabaw yillardin buyan ikki chong yighinda bu mesilini héchqachan otturigha qoyup baqmighan yaki bundaq alahide teleppuzda tekitlep baqmighan iken. Bu qétim u hetta "Yerlik urush" dégen atalghunimu qollan'ghan, anglighuchilar uning teleppuzidin, azadliq armiye ichide bir chong weqe yüz bergen yaki bériwatqanliqini sezgen. Shundaqla bu heqte chong ghulghula peyda bolghan.

Sin'gapor uniwérsitétining aliy tetqiqatchisi bojyawning "Amérika awazi" gha bayan qilishiche, xitayning qanunida herbiy qisimlarni bashquridighanliqi belgilen'gen eng aliy hoquqluq organ --- xitay dölet mudapi'e ministirliqi hazir xitayda herbiy qisimlarni asasen bashquralmaydu.

Xitay dölet mudapi'e ministirliqining hazir héchqandaq rehberlik hoquqi yoq, bu organ adette dölet ichidiki mesililerning héch qaysigha arilishalmaytti, emdi buyil bu aliy organ hetta xitayning bir tutash herbiy xamchotidinimu xewersiz qalghan. Azadliq armiyini dölet armiyisige özgertishni otturigha qoyup kéliwatqan azadliq armiyining mu'awin shtab bashliqi jang yéqinda mexpiy halda wezipidin qaldurulghan, u, bu qétimqi ikki chong yighinda hemme muxbirning ziyaritini ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.