Wén jyabaw gérmaniye ziyaritide xelq pulining qimmiti heqqide amérikigha inkas qayturdi

Xitay bash ministiri wén jyabaw, gérmaniyide " xitay, xelq puli qimmitining adil we tengpungluqi" ni saqlap kéliwatqanliqini tekitlidi.
Muxbirimiz eqide
2009-01-29
Share

Wén jyabaw, peyshenbe küni bérlinda gérmaniye bash ministiri an'géla mékél bilen söhbetleshkendin kéyin, hazirqi iqtisadiy weziyettin qarighandimu, xitay puli qimmitining muqim boluwatqanliqini tekitligen.

U sözide yene, xitay bilen amérikining yéngi hökümiti otturisida, xitay pulining qimmiti tüpeyli sürkilishler meydan'gha kélidighanliqi toghrisidiki endishiler heqqide toxtilip, amérika maliye ministiri géyténirning ötken hepte, amérika prézidénti barak obamaning sözini neqil keltürüp éytqan "xitayning xelq puli qimmitini bashqurushni monopol qiliwatqan dölet ikenliki" heqqidiki sözini ret qildi.

Gérmaniye we xitay dölet ministirliri söhbettin kéyin birleshme bayanat élan qilip, ikki döletning xelq'ara pul mu'amile sistémisida islahat élip bérish istigining barliqini mu'eyyenleshtürdi.

Bulardin sirt, gérmaniye bash ministiri mékél xanim xitay hökümitini, sürgündiki tibetning dahisi dalay lama bilen söhbet élip bérishqa chaqirdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet