Xitay bash ministiri wén jyabaw tenqidlen'gen kitab xongkongda bazargha sélindi

Xitay bash ministiri wén jyabawgha tenqidiy baha bérilgen kitab düshenbe küni xongkongda bazargha sélindi. Kitabqa "wén jyabaw: junggodiki nadir artis" dep isim qoyulghan.
Muxbirimiz jüme
2010-08-16
Share

Fransiye agéntliqining xewirige qarighanda, kitabni béyjingliq yazghuchi yü jyé yazghan bolup, xitay mexpiy saqchi da'iriliri bu yil iyulda uninggha eger mezkur kitab neshr qilinsa türmige tashlaydighanliqi heqqide tehdit salghan.

Melum bolushiche, yü jyéning mezkur kitabida xitay bash ministiri wén jyabaw tenqidlen'gen. Kitabta wén jyabaw xitay rehberlik qatlimidiki "eng yaxshi rol alghuchi" dep süretlen'gen.

Xewerde neqil qilinishiche, kitabta mundaq bayanlar yézilghan "wén jyabaw hoquq tizginini qolgha alghandin kéyin, qilghanlirining hemmisi peqet birla nishan üchün boldi. U bolsimu, rol élish idi. U, junggo kommunist partiyisidin ibaret bu ebjeq mashinining haman halak bolidighanliqini biletti."

Kitab xongkongdiki "yéngi esir neshriyati" teripidin neshr qilin'ghan. Neshriyat bashliqi baw puning bildürüshiche, xitayda rehberlerni tenqidlesh bek éghir jinayet hésablinidiken.

Melum bolushiche yü jyé xitayda nam qazan'ghan yazghuchi bolup, uning kitabliri 2004 - yilidin bashlapla xitay chong quruqluqida cheklen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet