Xitay qoralliq saqchi qisim ofitséri Uyghur élidiki qarshiliq heriketlirini kichiklitip körsitishke tirishti
2012.03.13
Xu shyawchin sözide, “Rayonda yéqinda yüz bergen zorawanliq weqeliri nahayiti az uchraydighan, tasadipiy weqeler. Lékin chet'ellerdiki bölgünchiler uni siyasiylashturup, xelq'aralashturushqa urunmaqta” dégen.
Xu shawchin sözide yene, qoralliq saqchi qisimlirining yuqiriqidek weqelerning aldini élish üchün, qattiq zerbe bérish herikitini keng qanat yaydurghanliqini tekitlep, “Qoralliq saqchi qisimliri del waqtida zerbe bérish, ikkilenmeslik, bash kötürmey turupla ujuqturush chaqiriqigha bina'en, rayonning muqimliqini saqlimaqta” dégen. Emma u arqidinla qoralliq saqchi qisimlirini aqlap, “Qoralliq saqchi qisimlirining asasiy prinsipi milletler ittipaqliqini kücheytish, yerlik xelqqe yardem bérish. Biz bu jehette nurghun yaxshi ishlarni qilduq” dégen.
Dunya Uyghur qurultiyining bayanatchisi dilshat rishit xu shyawchinning yuqiridiki sözlirige reddiye bérip, qoralliq saqchi qisimlarning xitay hökümitining Uyghurlarni basturush méxanizmining asasi küchi ikenlikini bildürdi.
Dilshat rishit öz bayanatida, buni ispatlash üchün uzaqqa kétishning hajiti yoqluqini, peqet qoralliq saqchi qisimlirining 5-iyul weqesidin kéyin, ürümchi, qeshqer qatarliq jaylarda Uyghurlarni yérim yalingach halette tutqun qiliwatqan körünüshlirini eslep ötüshning özila yéterlik ikenlikini eskertip, “Uyghur élide kimning ziddiyet peyda qiliwatqanliqini perq qilish asan” dédi.
Köp körülgen xewerler
RFA
- Uyghurlar “Jungxu'a milliti” emes, xitay éytimidiki “Anarning danisi” mu emes!
- Doktor erkin sidiq: “Pa'aliyitimiz arqiliq Uyghurlarning yoqap ketmigenlikini we yoqap ketmeydighanliqini ispatlaymiz!”
- Almutadiki Uyghur jama'iti 1-öktebir “Matem küni” de weten shéhitlirini yad etti
- Xitayning mustemlike ma'aripida yoq qiliniwatqan Uyghur tili
- Yaponiye we awstraliyede xitayning Uyghur élini bésiwalghanliqining 75 yilliqigha naraziliq bildürüldi