Вен җябав далай ламаниң вәкили билән сөзлишишни халайдиғанлиқини билдүрди

Хитай баш министири вен җябав җүмә күни бейҗиңда мухбирларни күтүвелиш йиғини чақирип, хитайниң 1959 - йилдин бери һиндистанда сүргүндә яшаватқан тибәт роһаний даһийси далай ламаниң вәкиллири билән сөһбәт өткүзүшни халайдиғанлиқини билдүргән.
Мухбиримиз әркин
2009-03-13
Share

Лекин далай ламаниң "бөлгүнчилик даваси" дин ваз кечиши керәкликини тәкитлигән вен җябав, хитай һөкүмитиниң тибәттики бастуруш сияситини ақлап, "тибәтниң муқим қәдәм билән алға қарап тәрәққи қиливатқанлиқи сияситимизниң тоғрилиқини испатлимақта," дегән.

Вен җябав хитай - тибәт сөһбити тоғрисида мундақ дәйду": бу түрлүк сөһбәтләрни давамлаштурушқа болиду. Бу йәрдики ачқучлуқ мәсилә далай ламаниң сөһбәтниң нәтиҗилик болушиға йетәрлик сәмимийәт көрситишидур." Вен җябав бу сөзләрни хитай хәлқ вәкилләр қурултийи мәмликәтлик йиғининиң йепилиш мунасивити билән өткүзгән ахбарат елан қилиш йиғинида тәкитлигән. Мәркизи дарамсаладики тибәт сәргәрдан һөкүмити болса шу күни вен җябавниң сөһбәтни давамлаштуруш һәққидики сөзлирини қарши алидиғанлиқини билдүрүп, далай ламаниң "һәр вақит сөһбәткә тәйяр" икәнликини билдүрди.

Тибәт сәргәрдан һөкүмитиниң баш министири самдоң ренпочи " бу биз қарши алидиған бишарәт. Биз далай лама һәзрәтлириниң вәкиллирини әвәтишкә һәр вақит тәйяр," дегән. Далай лама даим һәқиқи аптономийә тәләп қилидиғанлиқини тәкитләп кәлгән болсиму, лекин хитай уни "бөлгүнчилик ғәризи" бар, дәп әйиблимәктә.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт