Wén jiya baw: xitay hökümiti yémeklik bixeterlikige jiddiy qaraydu

Shenbe küni xitay bash ministiri wén jyabaw dunya iqtsadiy weziyiti toghrisida xitayning tyenjin shehiride échilghan xelq'ara bir yighinda söz qilip, zeherlik balilar parashoki setchilikidin kéyin, xitay yémekliklirige guman bilen qarashqa bashlighan xelq'ara jama'etni xitay hökümitining yémeklik bixeterliki toghrisida jiddiy ikenlikige ishendürüshke tirishqan.
Muxbirimiz ömer qanat
2008-09-27
Share

Zeherlik ximiyilik maddi arilashturulghan süt parashoki xitayda hazirghiche 4 bowaqning ölümige we on minglighan balilarning késel bolushigha seweb bolghan. Xitayda yasalghan süt parashokida zeherlik maddining otturigha chiqishi, xitaydin süt parashoki shuningdek süt mehsulatliri import qilidighan döletlerde qattiq ghulghula qozghap, nurghunlighan döletler xitaydin süt mehsulatliri import qilishini chekligen idi.

Xitay bash ministiri wén jyabaw yighinda qilghan sözide, "zeherlik süt setchiliki, xitayning tereqqiyat jeryanida nurghun mesililerge duch kéliwatqanliqini we mehsulatlarning ishlep chiqirilish jeryani we süpitining qattiq kontrol qilinishi kéreklikini körsetti" dégen.

Wén jyabaw sözide, bu mesilining téxi pütünley birterep bolmighanliqini tekitlep, yéqinda hökümetning yémeklik mehsulatlirining süpitini yuqiri kötürüsh heqqidiki pilanlirini otturigha qoyidighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet