Хәлқара кәчүрүм тәшкилати хитайдин хаданиң әһвалини ашкарилашни тәләп қилди

Хәлқара кәчүрүм тәшкилати баянатида хаданиң җаза муддити тошуп аридин бир һәптә өткән болсиму, униң һазир аилиси билән бирликтә һечқандақ из - дерикиниң болмайватқанлиқини билдүрүп, хитай һөкүмитини дәрһал бу һәқтә бир учур беришкә чақирған.

Баянатта мундақ дейилгән: "хитай һөкүмити өзи биарам болидиған кишиләрни бундақла йошурувалмаслиқи керәк, хитай һөкүмити дәрһал хада вә униң аяли, балилириниң ақивити һәққидә хәлқара җамаәткә ениқ учур бериши керәк."

Мәлум болушичә, моңғул паалийәтчи хаданиң 15 йиллиқ җаза муддити 10- декабир күни тошуш алдида хитай даирилири униң аяли шинаниму тутуп кәткән вә униң оғлини дадиси қоюп берилгәндә дадисини күтүвалмаслиқ һәққидә агаһландурған. Һазир хаданиң қоюп берилгән яки қоюп берилмигәнлики, қоюп берилгән болса униң аилиси билән бирликтә һазир қәйәрдә икәнлики намәлум.

Ички моңғуллуқ паалийәтчи хада моңғул өктичи һәрикитиниң башламчиси болуп, у җәнубий моңғулийә демократик иттипақини қурушқа қатнашқан. У 1996- йили, бөлгүнчилик вә җасуслуқ җинайити билән әйиблинип, 15 йиллиқ қамақ җазасиға һөкүм қилинған иди. Нөвәттә хәлқарадики һәрқайси кишилик һоқуқ органлири униң әһвалиға диққәт қилип кәлмәктә.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар