Xamid karzay saylam ötküzmekchi

Afghanistan asasiy qanuni boyiche prézidéntning möhliti 5 yil bolup, karzayning möhliti bu yil 21 - mayda toshudiken. Biraq ferghane agéntliqining munasiwetlik menbelerdin neqil keltürüshiche, afghanistan saylam komitéti bu qétimqi prézidént saylimining waqtini bu yil 21 - awghustqa belgiligen bolup, hamid karzay eksiche 21 - april bolushini qarar qilghan.

Hamid karzay özining bu qararigha her qaysi siyasiy partiye rehberliri we diniy rehberler bilen sözleshkendin kéyin kelgen.

Ferghane agéntliqining yézishiche, emma, amérika we afghanistandiki nato küchliri bu saylamning afghanistan'gha ewetilidighan 17 ming kishilik qoshun yétip kelgendin kéyin, awghust éyida ötküzülüshini teshebbus qilghan. Chünki, nato saylam munasiwiti bilen afghanistanda qalaymiqanchiliq kélip chiqishini xalimaydiken.