كىلىنتون خانىم كېلەر ھەپتە خىتايدا زىيارەتتە بولىدۇ

مەلۇم بولۇشىچە، ئامېرىكا دۆلەت ئىشلار مىنىستىرى ھىلارى كىلىنتون خانىم كېلەر ھەپتە خىتايدا زىيارەتتە بولىدىكەن.
مۇخبىرىمىز مېھرىبان
2012-08-28
Share

خىتاي باياناتچىسى خۇڭ لېي، بۈگۈن بەرگەن باياناتىدا، ئامېرىكا دۆلەت ئىشلىرى مىنىستىرى ھىلارى كلىنتوننىڭ 4-5 سېنتەبىر كۈنلىرى بېيجىڭغا يېتىپ كېلىپ، خىتاي تاشقى ئىشلار مىنىستىرى ياڭ جېچى قاتارلىق خىتاي ئەمەلدارلىرى بىلەن ئامېرىكا-خىتاي ئوتتۇرىسىدىكى بەزى مەسىلىلەر ھەققىدە سۆھبەتتە بولىدىغانلىقىنى بىلدۈرگەن.

بىرلەشمە ئاگېنتلىقى، ب ب س ئاگېنتلىقى قاتارلىقلارنىڭ خەۋىرىدە دېيىلىشىچە، كىلىنتون خانىمنىڭ خىتاي زىيارىتى خىتاينىڭ شەرقىي جەنۇبى ئاسىيادىكى ياپونىيە قاتارلىق قوشنا دۆلەتلىرى بىلەن بولغان ئارال مەسىلىسىدىكى تالاش-تارتىشلار كۈچىيىپ، شەرقىي جەنۇبى ئاسىيا ۋەزىيىتى جىددىيلەشكەن ۋەزىيەتكە توغرا كەلگەن. نۆۋەتتە ياپونىيە بىلەن ئامېرىكىنىڭ بىرلەشمە مانېۋىرى داۋاملىشىۋاتقان بولۇپ، كۆزەتكۈچىلەر بۇ مانېۋىرنىڭ خىتاينى ئەندىشىگە سېلىۋاتقانلىقىنى ئىلگىرى سۈرمەكتە.

ياپونىيە باش ۋەزىرى نودامۇ 24-ئاۋغۇست جۈمە كۈنى مۇخبىرلارغا بەرگەن باياناتىدا، ياپونىيىنىڭ مەيدانىنى بىلدۈرۈپ، «سېنكاكو ئارىلى ياپونىيىنىڭ زېمىنى، ياپونىيە ھازىرمۇ بۇ ئاراللارغا ئىگىدارچىلىق قىلىش ھوقۇقىغا ئىگە. ئەگەر زۆرۈر تېپىلسا، ياپونىيە ھۆكۈمىتى ئۆز زېمىنى ھەم خەلقىنىڭ بىخەتەرلىكىنى قوغداشقا مەسئۇل بولىدۇ، ئارالنى قوغداش ئۈچۈن تەدبىر ئېلىنىدۇ» دېگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت