Robrt géyts xitay bilen bolghan 'herbiy di'alogdiki bir bashlinip - bir toxtap qalidighan ehwalni ayaqlashturush kérek' dep körsetken

Besh bürjeklik binaning axbaratchisi gé'of morrélning éytishiche, amérika dölet mudapi'e ministiri robrt geyts xitay bilen bolghan bundaq herbiy di'alogni ayaqlashturush kérek dégen pikrini, tünügün xitay herbiy komitétining mu'awin re'isi, azadliq armiye générali shü seyxu bilen 75 minut sözleshkendin kéyin jakarlighan. Bu di'alogta robrt géyts, herbiy küchini kéngeytkendin kéyinki xitay herbiy qisimliri bilen öz - ara pikirliship turush lazimliqini ilgiri sürgen bolsimu, emma shü seyxu xitayning herbiy küchini ashurghanliqi peqet özini qoghdash üchünla dep gep yorghilatqan idi.

Amérika - xitay otturisidiki herbiy di'alog, amérika 2006‏ - yili teywen'ge 6 milyard 500 milyon dollarliq qoral satqandin kéyin, xitay teripidin toxtitip qoyulghan idi. Bu yil yene qaytidin bashlan'ghan di'alogtimu xitayning tutruqsiz gepliri qolaqqa yaqmighandin bashqa, héchqandaq emeliy mezmundiki kélishim yaki pikir birliki hasil bolmighan idi.