Amérika emeldari: amérika - xitay kishilik hoquq di'alogida (xitay) bi'aram bolidighan mesililer muzakire qilindi
Muxbirimiz erkin
2010.05.14
2010.05.14
Di'alog bashlinishning aldida kishilik hoquqni közitish teshkilati bayanat élan qilip, amérika hökümitining di'alogda Uyghurlarni xalighanche tutqun qilish mesilisini otturigha qoyushni telep qilghan idi.
Xuntismen, "buning nahayiti muhim ehmiyetke ige bir di'alog" ikenliki, bu di'alog "amérika-xitay munasiwitining köp qirliqliqi"ni namayen qilidighanliqini eskertti. Xuntismen ikki künlük amérika -xitay di'alogining axirqi künidiki söhbetke qatnashqan. U di'alogda qandaq konkrét mesililerning muzakire qilin'ghanliqini ashkarilashni ret qilghan bolsimu, lékin u yene "biz kishini bi'aram qilidighan mesililerni sözleshtuq. Söhbet dostane ötti. Lékin bu söhbet bizning bezi konkrét mesililerni sözlisheleydighanliqimizning ispati. Bu bizning qanunning roli, diniy we emgek mesilisige munasiwetlik ishlarda sözlisheleydighanliqimizni körsitidu" dep tekitlidi.
Xunstismen, amérika - xitay kishilik hoquq söhbiti kishini "bi'aram qilidighan" mesililerde netijige érishishning eng ünümlük yoli ikenlikini eskertti. Amérika yardemchi dölet ishlar ministiri poznér, jüme küni kechte axbarat élan qilish yighini chaqirip, amérika - xitay kishilik hoquq di'alog toghrisida melumat béridu.