Xitay, amérikining aptomobil we toxu mehsulatlirigha baj qoyushni oylishiwatqanliqini bildürdi

Analizchilar, bu xitayning bezi amérika mehsulatlirigha baj qoyup, öch élishni oylishiwatqanliqining bishariti, dep qaraydighanliqini bildürgen.

Xitay soda ministirliqi xitay yerlik karxanilirining amérika toxu mehsulati we aptomobil zapchaslirini tökme qilip sétiwatqanliqigha a'it shikayitini tapshuruwalghanliqini we buning asasen tekshürüsh élip baridighanliqini bildürgen.

Xitay soda ministirliqining bayanatchisi lékin amérikining bezi xitay mehsulatlirigha baj qoyghanliqidin öch élishni meqset qilmaydighanliqini tekitligen.

Amérika ötken jüme küni xitayda ishlen'gen kamirgha 35% baj qoyidighanliqi, xitayning polat chiwiq mehsulatidin baj alidighanliqini jakarlighan idi.

Amérikining bu qarari xitayda amérikigha qarshi dolqun peyda qilip, tor betliride xitay hökümitini amérika ghezine chéki sétiwalmasliqqa chaqiridighan telep - chaqiriqlar kücheygen. Xitay soda ministiri chén déming bu qararini "soda békinmichiliki" dep eyiblep, buning "yaman ölge" yaritidighanliqini tekitligen. Lékin prézidént obama düshenbe küni buning "soda qoruqchiliqi" ikenlikini ret qildi.

Xewerlerge qarighanda, xitay bu munasiwet bilen düshenbe küni soda teshkilatigha resmiy erz sun'ghan.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar