Xitay, amérika dölet mejlisi hazirlighan xitay heqqidiki doklatni tenqid qildi

Xitay tashqi ishlarministirliqi jüme küni bayanat élan qilip, amérika dölet mejlisige qarashliq amérika xitay iqtisadi bixeterlik közitish komitéti élan qilghan xitayning iqtisadi we bixeterlik tehditige da'ir doklatni tenqid qildi.
Muxbirimiz erkin
2010-11-19
Élxet
Pikir
Share
Print

Xitay tashqi ishlar ministirliqi doklattiki xitayning herbiy küchi we iqtisadi siyasitige da'ir bayanlarni ri'alliqni burmilighanliq we soghuq munasiwetler dewridin qalghan késellik dep eyibligen.

Amérika xitay iqtisadi bixeterlik közitish komitétining aldinqi küni élan qilghan 316 betlik doklatida énérgiye, muhit, xelq pulining kursi, soda - iqtisad, intérnét we uchur, xitayning herbiy tereqqiyati we buning rayondiki amérika herbiy mewjutluqigha élip kélidighan tehditi qatarliq mesililer boyiche tehlil yürgüzüp, nurghun teklip - pikirlerni otturigha qoyghan.

Doklatta xitay téléfon alaqe shirkitining bu yil 4‏ - ayda amérika intérnét ulanma yollirini "görüge" éliwalghanliqini ilgiri sürgen idi.

Xitay tashqi ishlar ministirliqi bayanatchisi léy xung jüme küni ministirliq tor békitide élan qilghan bayanatida, doklattiki bayanlarni ret qilip, "bu doklat pakitni bir chetke qayrip qoyup soghuq munasiwetler urushi dewrining mentiqisi we siyasi bir tereplimilik bilen tolghan" dep tekitligen.

Lékin, u mezkur doklattiki qaysi konkrét nuqtilarning "siyasi bir tereplimilik, soghuq munasiwetler mentiqisi bilen tolghanliqi hem pakitning bir chetke qayrip qoyulghanliqi" ni tilgha almidi. Uning eskertishiche, atalmish bu komitét junggoning ichki ishlirigha arilishishni toxtitip, junggo bilen amérikining öz ‏ - ara bir ‏ - birige ishench turghuzushi we hemkarliqigha paydiliq ishlarni qilishi kérek.

Amérika - xitay munasiwiti bu yil amérikining teywen'ge qoral - yaraq sétip bérish qarari, tibet we xitay xelq pulining kursi qatarliq mesililer sewebidin köngülsizlikke uchrighan idi.

Toluq bet