Xitay moskwadiki partlashtin kéyin, ayrodrom bixeterlikini qaytidin közdin kechürdi

Bügün xelq'ara axbaratlarning xewer qilishiche, moskwadiki ayrodromda partlash weqesi yüz bergendin kéyin, xitay béyjing xelq'araliq ayrodromning bixeterlik tedbirlirini qaytidin közdin kechürgen.
Muxbirimiz shöhret hoshur
2011-01-25
Share

Shinxu'a agéntliqining bu heqtiki xewiride bildürülüshiche, béyjing xelq'araliq ayrodromdiki charlash xizmiti kücheytilgen, bixeterlik kaméraliri qayta közdin kechürülüp toluqlash élip bérilghan, bomba bayqash üchün ishlitidighan apsharkilar köpeytilgen. Xewerlerde bayan qilinishiche, béyjing xelq'araliq ayrodromi dunyadiki qatnash sijilliqi yüksek bolghan ayrodromlarning biri, uning üstige 3 ‏- féwral küni xitayning chaghan bayrimi؛ shunga béyjing xelq'araliq ayrodromning bixeterlik mesilisi xitayni tünügünki moskwadiki partlashtin kéyin jiddiy endishige salghan. Moskwadiki partlash domodédowo xelq'araliq ayrodromda yüz bergen.

Hujumchilar heqqidiki bezi xewerlerde ottura sherqliq siyaqidiki bir kishi dep bildürülse, bezi xewerlerde kafkasiyaliq pida'iylar dep körsitilmekte. Hujumning shekli heqqide bezi menbeler yiraqtin bashqurulidighan bomba qollinilghanliqini perez qilsa, yene bezi menbeler hujumchining neq meydanda özini partlitishning aldida etraptiki kishilerge warqirap xitab qilghanliqi bildürülmekte.

Rusiyining dölet bixeterlik tarmaqliri, yéqindin buyan döletning bixeterlik xadimlirining sanini qisqartiwetkenlikini bayan qilip, buni weqening aldini élishta ajizliq qilishining sewebliri qatarida körsetken. Emma, bezi közetküchiler bolsa térrorluqning ajizlarning küchlük qorali ikenlikini bildürüp, rusiye chéchen mesilisini hel qilmay turup, bu tür weqelerdin saqlinalmaydighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet