Хитай барикөл яйлақлирини бузуп тегидики көмүрни қезивалмақчи

Мәркизи агентлиқиниң баян қилишичә, хитай йеқинда барикөл яйлақлирини бузуп тегидики көмүрни қезивелиш үчүн геологийилик қидириш башлиди.
Мухбиримиз вәли
2011-03-02
Share

30 Метир чоңқурлуқта 50 милярд 500 милйон тонна көмүр записи бар, көлими 4 миң квадрат километирлиқ бу яйлақни, хитайниң шинхуа агентлиқи “сәнтаңху көмүрлүки” дәп атиди.

Хәвәрдә ейтилишичә, бу яйлақтики көмүр записи пүтүн хитайдики көмүр записиниң 12% ини тәшкил қилидикән. Хитай һазир бу яйлақни дөләт бойичә әң чоң көмүрлүк қилип қуруп чиқишни, уйғур аптоном райондин хитай шәһәрлиригә көмүр тошуйдиған мәхсус төмүр йол линийисини 2013‏-йилида пүттүрүшни пиланлиған. Хитай һазир бу яйлаққа 100 йүрүш бурғилаш үскүнилирини әкелип болған. Әмди хитайдин бу көмүрлүктә ишләйдиған 3 миң көчмән әкәлмәкчи.

Вики инискилопидийисидә баян қилинишичә, бу көмүрлүк дәл тәңритағлири билән алтай тағлириниң арилиқидики ғәрб тәрипи җуңғарийә, җәнуб тәрипи турпан -қумул ойманлиқи, шәрқий шимал тәрипи ташқи моңғулийә билән чегрилинидиған гүзәл барикол яйлақлирида. Хитайлар бу җайда йеза қуруп униң намини сәнтаңху йезиси дәп атиған. Бу йезида һазир 390 аилә, 1373 нопус бар, униң 1266 си хитай, 90 и қазақ, 3 и моңғул, 3и уйғур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт