Xitay bariköl yaylaqlirini buzup tégidiki kömürni qéziwalmaqchi

Merkizi agéntliqining bayan qilishiche, xitay yéqinda bariköl yaylaqlirini buzup tégidiki kömürni qéziwélish üchün gé'ologiyilik qidirish bashlidi.
Muxbirimiz weli
2011.03.02

30 Métir chongqurluqta 50 milyard 500 milyon tonna kömür zapisi bar, kölimi 4 ming kwadrat kilométirliq bu yaylaqni, xitayning shinxu'a agéntliqi “Sentangxu kömürlüki” dep atidi.

Xewerde éytilishiche, bu yaylaqtiki kömür zapisi pütün xitaydiki kömür zapisining 12% ini teshkil qilidiken. Xitay hazir bu yaylaqni dölet boyiche eng chong kömürlük qilip qurup chiqishni, Uyghur aptonom rayondin xitay sheherlirige kömür toshuydighan mexsus tömür yol liniyisini 2013‏-yilida püttürüshni pilanlighan. Xitay hazir bu yaylaqqa 100 yürüsh burghilash üskünilirini ekélip bolghan. Emdi xitaydin bu kömürlükte ishleydighan 3 ming köchmen ekelmekchi.

Wiki iniskilopidiyiside bayan qilinishiche, bu kömürlük del tengritaghliri bilen altay taghlirining ariliqidiki gherb teripi jungghariye, jenub teripi turpan -qumul oymanliqi, sherqiy shimal teripi tashqi mongghuliye bilen chégrilinidighan güzel barikol yaylaqlirida. Xitaylar bu jayda yéza qurup uning namini sentangxu yézisi dep atighan. Bu yézida hazir 390 a'ile, 1373 nopus bar, uning 1266 si xitay, 90 i qazaq, 3 i mongghul, 3i Uyghur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.