Xelq'ara ray sinash netijisidin qarighanda xitayning bash kötürüshi 'yaxshi ish emes'

Amérika pyéw ray sinash merkizining yéqinda élip barghan xelq'ara ray sinash netijisidin melum bolushiche, amérika we uning yaponiye, fransiye qatarliq ittipaqdashliri xitayning iqtisadi hem herbiy jehettin küchiyishining endishe qozghaydighan mesile ikenlikini bildürgen.
Muxbirimiz erkin
2010.06.18
Share on WhatsApp
Share on WhatsApp

Ray sinash pa'aliyitige qatnashqan 88% yaponiyilik, 87% fransiyilik, 86% jenubiy koriyilik, 79% amérikiliq we 72% gérmaniyilik xitayning herbiy jehettin küchiyishini "yaxshi ish emes" dep qarighan.

Xitay iqtisadining küchiyishidin ensireydighan kishiler ichide fransiyiliklerning nisbiti eng köp bolup, 67% ni igiligen. Uningdin qalsa tertip boyiche gérmaniye, amérika we en'gliye eng köp ensireydighan döletlerdin iken. Lékin xitay afriqida qarshi élinidighan dölet bolup, kéniye we négiriyiliklerning 90% i xitayning bash kötürüshige ijabiy qaraydighanliqini bildürgen.

Ray sinash netijisidin yene, hindistanliqlarning 44% i xitayni "düshmen" dep qaraydighanliqi, lékin pakistan bilen kéniyiliklerning 84% i xitayni özining shériki hésablaydighanliqi melum bolghan.

Bu xulase bu yil 4‏- ayning 7 ‏- künidin 5 ‏- ayning 8 ‏- künigiche her qaysi ellerdiki 24 ming adem üstidin élip bérilghan tekshürüshke asasen chiqirilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.