Хитай баянатчиси бүгүн қәшқәр тоғрисида соралған соалға җаваб беришни рәт қилған

Хитай ташқи ишлар министирлиқиниң бүгүнки ахбарат йиғинида, хитай баянатчиси мухбирларниң қәшқәр һәққидә соралған соалини қопаллиқ билән рәт қилған.
Мухбиримиз вәли
2011-10-26
Share

Радиомиз хәвәр тапқан учурларға қариғанда, хитай ташқи ишлар министирлиқиниң бүгүнки мухбирлар йиғинида, мухбирлар баянатчи җаңйүдин, “қәшқәрдә шиддәтлик һуҗум вәқәси йүз бәргәндин кейин, хитай даирилири уйғурларни бастуруш үчүн пакистан билән түзгән һәрбий келишимниң мәзмунлири немә?” дәп сориған.

Хитай баянатчиси, хитай билән пакистан оттурисида омумйүзлүк истратегийилик достлуқ келишими бар, һазир бу икки дөләтниң һәмкарлиқи наһайити яхши қанат йейиватиду, дәп мухбирлар сориған соалдин чәтнәшкә теришқан.

Мухбирлар хитай баянатчисини сориған соалниң өзигә җаваб беришкә қистиғанда, у өзини туталмиған һалда, “хитай билән пакистанниң қәшқәр тоғрисида қандақ һәрбий келишим түзгәнликини, сән һәрбийләрдин сора.” дәп қопаллиқ билән рәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт