خىتاي تور بېتىدە بىڭتۈەننى ئەمەلدىن قالدۇرۇش تەشەببۇسى ئوتتۇرىغا قويۇلدى

خىتايچە Baidu تورىدا، تۈنۈگۈن، ئۇيغۇر ئېلىدىكى ئىشلەپچىقىرىش - قۇرۇلۇش ئارمىيىسىنى ئەمەلدىن قالدۇرۇش ھەققىدە تەشەببۇسنامە ئوتتۇرىغا قويۇلدى. تەشەببۇسنامە، نۆۋەتتە خىتايدا مەۋجۇت بولۇپ تۇرۇۋاتقان، مىنگې نامىدىكى سىياسىي پارتىيىنىڭ شىنجاڭ كومىتېتى ئىككىنچى ياچېيكىسىنىڭ ۋە كاڭ مىڭلياڭ ئىسىملىك كىشىنىڭ نامىدا ئېلان قىلىنغان.
ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭ
2009-01-08
Share

يىللاردىن بېرى، قورچاق پارتىيە دەپ قارىلىپ كېلىۋاتقان مىنگې پارتىيىسىدىكىلەرگە مەنسۇپ بۇ تەشەببۇستا، دۆلەتنى قانۇن ئارقىلىق باشقۇرۇش ئۈچۈن چوقۇم ئۇيغۇر ئېلىدىكى ئىشلەپچىقىرىش ‏ - قۇرۇلۇش ئارمىيىسىنىڭ ئەمەلدىن قالدۇرۇلۇشى كېرەكلىكى بايان قىلىنغان.

تەشەببۇستا بىڭتۈەننىڭ مەۋجۇدىيىتى، خىتاي ئاساسىي قانۇنىغا، خىتاينىڭ سايلام قانۇنىغا ۋە خىتاينىڭ مىللىي تېررىتورىيىلىك ئاپتونومىيە قانۇنىغا شۇنداقلا يەنە، خىتاي 1997 - 1998 ‏ - يىللىرى ئىمزا قويغان خەلقئارالىق كېلىشىملەردىن "پۇقرالارنىڭ سىياسىي، ئىجتىمائىي ۋە مەدەنىيەت ھەقلىرى كېلىشىمى"، " پۇقرالار ھوقۇقى ۋە سىياسىي ھوقۇق " كېلىشىملىرىگە خىلاپ ئىكەنلىكى ماددىمۇ - ماددا شەرھىلەپ چۈشەندۈرۈلگەن.

تەشەببۇسنامىدا، بىڭتۈەننىڭ قارىماققا، ئۇيغۇر رايونىنىڭ مۇقىملىقىنى قوغداش رولى بارلىقى، ئەمەلىيەتتە بولسا، بىر تۈركۈم ئەمەلدارلارنىڭ ئۆزى بەگ ‏ - ئۆزى خان بولۇپ ھاكىمىيەت سۈرۈش رولىنى ئويناۋاتقانلىقى بايان قىلىنغان.

تەشەببۇسنامىدا، بىڭتۈەننى ئەمەلدىن قالدۇرۇشنىڭ رايوندىكى يەرلىك ئۇيغۇرلارغا كەلتۈرىدىغان پايدا - زىيىنى ھەققىدە ھېچقانداق توختالمىغان؛ پەقەت باشتىن ئاخىرى، بىڭتۈەندىكى دېھقان ئىشچى دەپ ئاتالغان ئاممىنىڭ بىر گۇرۇپپا ئەمەلدارلار تەرىپىدىن تالان - تاراج قىلىنىۋاتقانلىقى بايان قىلىنغان.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت