Xitay bélorusiyining Uyghur mesilide xitayni qollap kelgenlikige rehmet éytishi yüzisidin bélorusiyige 1 milyard dollar qerz béridighanliqini bildürgen

“R'i'anowosti” torida 17-séntebir xewer qilishiche, bu wedilerni bélorusiyide ziyarette boluwatqan xitay xelq qurultiyi re'isi wu banggo bergen.

Xewerde mundaq déyilgen: xitayning teywen, tibet, shinjang we kishilik hoquq mesiliside bélorusiyining qollishigha érishkenlikidin minnetdar ikenlikini bildürgen wu, xitayning bélorusiyini da'im qollaydighanliqini bildürdi.

Yawropada iqtisadiy krizis yüz bergendin kéyin, xitay özining tashqi péréwot zapisini kozir qilip, bir qisim ellerning xitaygha mayilliqini qolgha keltürüshke tirishiwatqanliqi melum.

Wu banggo bélorusiye prézidénti aléksandir lukashénkow bilenmu körüshidiken. Ularning Uyghurlargha munasiwetlik qaysi témilarda sözleshkenliki hazirche namelum.