Хитай, 17-қурултийидин буянқи чоң ишлар хатирисидә йәнә ғәлибисини тилға елип мәғлубийитини тилға алмиди

Хитай өткән һәптә, “17-қурултайдин буянқи чоң ишлар хатириси” намлиқ доклат елан қилди. Доклатта, хитайда өткән бәш йилда йүз бәргән зор вәқәләр қисқичә әсләп вә тонуштуруп өтүлгән.
Мухбиримиз шөһрәт һошур
2012.11.05
Share on WhatsApp
Share on WhatsApp

Тәңритағ ториниң бүгүнки бу һәқтики хәвиридин мәлум болушичә, мәзкур доклатта баштин ахир, хитай һөкүмитиниң өткән бәш йилдики ғәлибиси яки аталмиш ғәлибисини әкс әттүридиған вәқәләр тезип чиқилған. Бу вәқәләр арисида язғучи мо йенниң мукапатқа еришишиму тилға елинған; әмма бо шиләй вәқәси вә 5-июл вәқәсигә охшаш хитай рәһбәрлик қатлимидики чирикликни вә милләтләр сияситиниң мәғлубийитини әкс әттүридиған вәқәләр тилға елинмиған.

Әмәлийәттә 5-июл вәқәсидә хитайниң һөкүмәт статистикиси бойичә ейтқандиму бир күн ичидә 196 киши һаятидин айрилған, 1000 ға йеқин киши яриланған. Хитай 5-июл вәқәсидин кейин, тунҗи қетим, уйғур хәлқиниң ғәзәп-нәпритидин чөчүп, райондики һөкүмдари ваң лечүәнни райондин йөткәп кәткән вә мәхсус “шинҗаң хизмәт йиғини” ечип, районда йүргүзүлүватқан сиясәткә қайтидин қарап чиқишқа мәҗбур болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт