Xitay ikki chong yighinni qoghdash üchün 739 ming kishilik tertip saqlash qoshuni teshkillidi

Béyjing sheherlik saqchi idarisi nopus bashqurush tarmaqlirining ashkarilishiche, xitay hökümiti memliketlik siyasiy kéngesh yighini we memliketlik xelqi qurultiyi yighini 3-ayning 3‏-küni we 4-künliri échilish aldida turghanda, béyjing shehiridiki 2902 rayonda 739 ming kishilik tertip saqlash qoshuni teshkillep ishqa kirishtürgen.
Muxbirimiz weli
2011.03.02

Ulargha, birmu nopusni qaldurmay tekshürüp, ikki chong yighin muhitini mutleq bixeter qilish, yasimen güli herikitidin saqlinish kérek dep telep qoyghan.

Roytrs agéntliqning bayan qilishiche, xitay tashqi ishlar ministirliqi buningdin bir nechche kün burun, awat kochilardin sirtqa uchur yollash men'i qilinidu dep jakarlighan idi. Emma, bügün xitay hökümiti béyjingdiki bazarlardin we kochilardin sirtqa uchur yollash cheklinidu dep jakarlidi.

Erkin asiya radi'osining muxbiri chaw lungning xewer qilishiche, xitay hökümiti hazir ikki chong yighinni qoghdash üchün béyjingda, 17 milyon téléfonni nazaret qilalaydighan “Ademlerning herikitini közitish ponkiti” qurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.