Lyu shyawboning ayali lyu shya yoldishi üstidin tézrek höküm élan qilishini telep qildi

Xitay démokratik hoquq pa'aliyetchisi lyu shyawbo, bir yildin buyan sotning hökümisiz tutup turuluwatqan bolup, uning ayali düshenbe küni xitay hökümitining yoldishi üstidin tézrek höküm élan qilishi kéreklikini, shundaq bolghanda yoldishini qerellik yoqlap turalaydighanliqini bildürdi.
Muxbirimiz jüme
2009-12-07
Élxet
Pikir
Share
Print

Birleshme agéntliqida neqil qilinishiche, lyu shyawboning ayali lyu shya yoldishini xitay saqchilirining nazariti astida bu yil martta körgenche, qayta körelmigenlikini ilgiri sürgen.

Lyu shyawbo "2008 nizamnamisi"ge imza qoyghuchilardin biri idi. "2008 Nizamnamisi" de xitayda kishilik hoquq we démokratiyini yaqlaydighan qanun özgertish telep qilin'ghan bolup, mezkur nizamnamige xitaydiki 150 neper nopuzluq xitay ziyaliysi imza qoyup xitay hökümitige yollighan idi.

Mezkur nizamname élan qilinishtin bir kün ilgiri, yeni 2008 - yili 8 - küni lyu shyawbo öyidin élip kétilgen.

Melum bolushiche, lyu shyawbo bir namelum bir orunda 6 ay tutup turulghandin kéyin, bu yil iyunda "dölet hakimiyitini aghdurushqa urunush" jinayiti bilen resimiy qolgha élin'ghan idi.

Lyu shyawbo esli uniwérsitét proféssori bolup, u 1989 - yilidiki tiyen'enmén herikitige qatnashqan we 20 ay türmide tutup turulghandin kéyin qoyup bérilgen.

Toluq bet