Лиу шавбониң қолға елиниши хитай демократлириниң наразилиқлирини күчәйтмәктә

Йеқинда бейҗиң җамаәт хәвпсизлик оргини тәрипидин рәсмий түрдә қолға елинған сияси нәзәрийичи, профессор лиу шавбо мәсилиси ғәрб дөләтлириниң хитайни охшимиған пикирдики әрбабларни қолға елиш вә зәрбә беришни күчәйткәнлики бойичә әйиблишидики йәнә бир мисалға айланди.
Мухбиримиз үмидвар
2009-06-28
Share

Өктичи пикирдики зиялий лиу шавбониң қолға елиниши билән америка һөкүмити хитайни тәнқид қилған иди. Бу мунасивәт билән йәнә чәтәлләрдики хитай демократик гуруһлири вә партийилири бейҗиңға болған қаттиқ наразилиқлирини ипадиләшти.

Америка авазиниң хәвәр қилишичә, германийидики хитай өктичи зиялийси ваң вәншиң явропа иттипақини лиу шаобоға сахарароф кишилик һоқуқ мукапати, нобел тинчлиқ мукапати бериш арқилиқ хитай һөкүмитигә бесим көрситишкә чақирған.

Америкиниң калифорнийә шитатида турушлуқ сабиқ хитай азадлиқ армийисиниң дөләт дәриҗилик тәнтәрбийә чемпийони ченкәй калифорнийидики никсон кутупханисиға қоюлған дуня даһийлириниң мис һәйкәллири қатаридики сабиқ хитай компартийисиниң рәһбәрлиридин мав зедоң вә җов енлайниң мис һәйкилини еливетишни, чүнки мавзедоңниң дуняви даһий әмәсликини, униң милйонлиған җуңголуқниң җениға замин болғанлиқини, билдүргән иди.

Мәлуматлардин қариғанда, йәнә бир қисим демократик хитай зиялийлири бейҗиңдики алий рәһбәрләрниң лиу шаобониң қолға елиниш мәсилисигә көңүл болушни тәләп қилған. Лиу шавбо тиәнәнмен вәқәси бойичә һөкүмәтни изчил тәнқид қилған зиялий болуп, тиәнәнмен вәқәсиниң 20 йиллиқи һарписида тутуп кетилгән болсиму, лекин рәсмий қолға елинғанлиқи елан қилинмиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт