Li'u shawboning qolgha élinishi xitay démokratlirining naraziliqlirini kücheytmekte

Yéqinda béyjing jama'et xewpsizlik orgini teripidin resmiy türde qolgha élin'ghan siyasi nezeriyichi, proféssor li'u shawbo mesilisi gherb döletlirining xitayni oxshimighan pikirdiki erbablarni qolgha élish we zerbe bérishni kücheytkenliki boyiche eyiblishidiki yene bir misalgha aylandi.
Muxbirimiz ümidwar
2009.06.28
Share on WhatsApp
Share on WhatsApp

Öktichi pikirdiki ziyaliy li'u shawboning qolgha élinishi bilen amérika hökümiti xitayni tenqid qilghan idi. Bu munasiwet bilen yene chet'ellerdiki xitay démokratik guruhliri we partiyiliri béyjinggha bolghan qattiq naraziliqlirini ipadileshti.

Amérika awazining xewer qilishiche, gérmaniyidiki xitay öktichi ziyaliysi wang wenshing yawropa ittipaqini li'u sha'obogha saxararof kishilik hoquq mukapati, nobél tinchliq mukapati bérish arqiliq xitay hökümitige bésim körsitishke chaqirghan.

Amérikining kaliforniye shitatida turushluq sabiq xitay azadliq armiyisining dölet derijilik tenterbiye chémpiyoni chénkey kaliforniyidiki nikson kutupxanisigha qoyulghan dunya dahiylirining mis heykelliri qataridiki sabiq xitay kompartiyisining rehberliridin maw zédong we jow énlayning mis heykilini éliwétishni, chünki mawzédongning dunyawi dahiy emeslikini, uning milyonlighan junggoluqning jénigha zamin bolghanliqini, bildürgen idi.

Melumatlardin qarighanda, yene bir qisim démokratik xitay ziyaliyliri béyjingdiki aliy rehberlerning li'u sha'oboning qolgha élinish mesilisige köngül bolushni telep qilghan. Li'u shawbo ti'en'enmén weqesi boyiche hökümetni izchil tenqid qilghan ziyaliy bolup, ti'en'enmén weqesining 20 yilliqi harpisida tutup kétilgen bolsimu, lékin resmiy qolgha élin'ghanliqi élan qilinmighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.