Хитай демократлири америкида ишлигән 'төтинҗи ийон вәқәси' намлиқ д в д филими пүтүн дуняға тарқитилмақта

Чәтәлләрдә туруватқан хитай демократлири 'төтинҗи ийон вәқәси' ниң 20 йиллиқи һарписида, вәқә йүз бәргәндики нәх мәйдандин елинған көрүнүшләрни топлап, америкида бир д в д филим ишләп чиқти.
Мухбиримиз вәли
2009-05-23
Share

Б б с ниң баян қилишичә, бу филим әйни вақиттики җавзияңниң мәслиһәтчиси, кейин америкиға кәлгән чен йизи әпәндиниң риясәтчиликидә ишләнгән. Бу филимни ишләш үчүн хуявбаң, җавзияңларни хатириләш фонд җәмийити 100 миң америка доллири аҗратқан. Бу филимниң 40 минутлуқ қисқартилған нусхиси 'төтинҗи ийон вәқәси' ниң 20 йиллиқини хатириләштин бурун пүтүн дуняға тарқитилиду, филимниң 2 саәтлик тулуқ нусхиси йил ахириғичә ишлинип болиду.

Буниңдин бурун, бейҗиңдә 19 нәпәр мутәхәссис, зияли вә адвикатниң башламчилиқида, бир илмий муһакимә йиғини өткүзгән иди.

Бу йиғинда хитай пәнләр академийисиниң тәтқиқатчиси җаң бошу әпәнди мулаһизә елан қилип 'хитай коммунист партийисиниң тарихий әнәниси хәлқ билән дүшмәнлишиш. Бу партийә өзиниң мушу сиясити билән хәлқни, чәтәлләрдики дүшмән күчләрниң вәкили дәп қарилап езип, әдивини берип кәлмәктә. Гәрчә коммунист партийә өзиниң бу сиясити арқилиқ зор нәтиҗә қазанғандәк көрүнсиму, әмма йигирмә йилдин буян 'төтинҗи ийон вәқәси' ни хәлқниң әс-хатирисидин йоқиталмиди. Әмди коммунист һөкүмити хәлқ билән дүшмәнлишишни тохтутиши лазм. Әмәлийәттә, коммунист һөкүмитиниң бу сиясити хитайда демократик ислаһатқа тосқун болмақта' дәп күрсәткән иди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт