Amérika déngiz armiye générali: amérika xitayning déngiz armiye tereqqiyatini yéqindin közitip kéliwatidu

Xitayda herbiy ziyarette boluwatqan amérika déngiz armiye générali, xitay déngiz armiyisi élip kélidighan tehditning zor emeslikini bildürgen bolsimu, emma roytérsta xewer qilinishiche, amérika da'irilirining xitayning déngiz armiye tereqqiyatini yéqindin közitip kéliwatqanliqini ilgiri sürgen.
Muxbirimiz jüme
2009-04-20
Share

Xewerde körsitilishiche, amérika déngiz armiye générali gary rog'héad béyjingda ötküzülgen axbarat élan qilish yighinida, xitayning déngiz armiye tereqqiyatini chüshinishke bolidighanliqi, emma bu jeryanda öz ara chüshinishni ilgiri sürüsh üchün alaqini ilgiri sürüshning zörürlükini otturigha qoyghan.

Xitay herbiy da'iriliri kelgüside awi'amatka yasaydighanliqini uqturghan bolup, bu heqte toxtalghan amérika générali, xitay armiyisining awi'amatka yasash tirishchanliqidin heyran qalmaydighanliqini, emma mezkur herbiy hazirliqlarning néme meqsette ishlitilidighanliqning muhim mesile ikenlikinimu qoshumche qilghan.

Amérika da'iriliri xitayni herbiy sélinma we tereqqiyat jehette ochuq ashkara bolmasliq bilen eyiblep kéliwatqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet