Xitay dunyadiki eng chong 'di'abit bimarliri' dölitige aylinip qalghan

Tibb'iy tetqiqat netijiliridin melum bolushiche, nöwette xitayda di'abit késilige giriptar bolghuchilarning sani 92 milyon'gha yétip, xitay dunyadiki eng chong "di'abit bimarliri" dölitige aylinip qalghan.
Muxbirimiz erkin
2010.03.25

Amérika " yéngi in'gland tibb'iy zhurnili"da peyshenbe küni élan qilin'ghan bir tetqiqat doklatida eskertishiche, di'abit késili xitayda ammiwi salametlikke da'ir yéngi mesile bolup qalghan.

Tibb'iy sahediki mutexessisler mezkur tetqiqat netijisi di'abit késilige giriptar bolghuchilarning xitayda yawropa we amérikidin téz köpiyiwatqanliqidin direk béridighanliqini ilgiri sürmekte. Mezkur tetqiqat türige yitekchilik qilghan béyjingdiki junggo - yaponiye dostluq doxturxanisining proféssori yang wénying,tetqiqat netijisi xitayda di'abitning kishini chöchiterlik derijide éghirliqini, xitayda buning aldini élishqa da'ir bir pilan tüzülüwatqanliqini bildürgen.

Yang wényingning yitekchilikidiki tetqiqat guruppisi dunya sehiye teshkilatining di'abit késellirini ölchesh ölchimige asasen tekshürüsh élip barghan bolup, ikki yil xitayning 14 ölke we alahide shehiride 46 ming kishini tekshürgen. Tetqiqat doklatida xitayda di'abit késellikige giriptar bolghuchi er we ayallarning nisbiti 1 ge qarshi 84.0 Ikenlikini, sheher ahalisining di'abit késilige giriptar bolush nisbiti yéza ahalisige qarighanda yuqiriliqini, sheher ahalisining di'abit késilige giriptar bolush nisbiti 4.11 Pirsent, yéza ahalisining bolsa 2.8 Pirsent ikenlikini bildürgen.

Doklatta, xitaydiki di'abitlarning yérimidin köpireki özining mezkur késelge giriptar bolghanliqidin xewersiz ikenlikini ilgiri sürgen. Amérika birleshme agéntliqining bu heqtiki bir xewiride, mutexessisler xitayda yuqiri kaloriyilik yimekliklerni yiyishning köpiyiwatqanliqini, lékin kishilerde heriket aziyip, di'abit bimarlirining köpiyishini keltürüp chiqiriwatqanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.