Islam diniy institutining mu'awin re'isi: 'men qizil bayraq astida tughulghan'

Uyghur élidiki shinjang islam diniy institutining mu'awin re'isi abdureqip damolla haji "tengritagh tori" ning ziyaritini qobul qilip, "5 - iyul weqesi" din kéyin milletler ittipaqliqining künsayin yaxshilinip kétiwatqanliqini körsetken.
Muxbirimiz jume
2010-10-23
Share

Abdureqip damolla hajimning éytqanliri, yéqinda Uyghur élidin radi'omizgha kelgen Uyghurlarning siyasiy we ijtima'iy ré'alliqi heqqidiki matériyalida otturigha qoyulghan tepsilatlardin tolimu yiraq idi.

Xewerde körsitishiche, bu yil 48 yashliq abdureqip damolla hajim özi heqqide toxtilip mundaq dégen: "men qizil bayraq astida tughulup, qizil bayraq astida chong bolghan bir Uyghur. Biz méhmandost, aq köngül millet. Islam diniy bolsa tinchliqperwer din, qur'an bizning tinchliq, ittipaqliq we eminlikni izdishimizni telep qilidu."

Abdureqip damolla hajim yene "5 - iyul weqesi" heqqide toxtilip, weqeni "bir qisim jem'iyet dashqalliri" keltürüp chiqarghanliqini, uni diniy we milliy mesile dep qariwélishqa bolmaydighanliqini ilgiri sürgen.

Halbuki, Uyghurlar yézip, xitay hökümitige yollighan we yéqinda radi'omizda élan qilin'ghan bir matériyalda körsitishiche, Uyghurlar yenila diniy, siyasiy we we iqtisadiy basturushlargha uchrimaqta iken.

Matériyalda Uyghurlarning her sahede chetke qéqiliwatqanliqi "5 - iyul weqesi"de qara - qoyuq minglighan Uyghurning tutup kétilgenliki, hetta gunah artilmay quyup bérilgen Uyghurlarning xizmetliridin ayrilghanliqi körsitilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet