Rusiye tamozhnisi urushchi ayrupilan saymanliri qachilan'ghan xitay yüklirini tutup qaldi

Xitayning 'yer shari waqiti géziti'ning bayan qilishiche, rusiyining tashqi bayqal tamozhnisi tünügün , tashqi bayqaldin manjuriyige yötkilidighan yükler ichidin, rusiyining suxuy belgilik urushchi ayrupilanlirining éléktronluq séstimisi qachilan'ghan yeshiklerni bayqighan.
Muxbirimiz weli
2009-07-29
Share

Tamozhna xadimi filipowaning éytishiche, bu yüklerni bir xitay mangghuzghan. Mesile chiqqandin kéyin, özini shirketchi dep atighan bir xitay, bu yüklerni béyjingdiki bir tunushining telipi buyiche mangghuzghanliqini, emma alliqachan qachilinip teyyarlan'ghan bu yükning ichide néme barliqini özi bilmeydighanliqini jakarlighan.

Xewerde éytilishiche , buningdin burun rusiye terepte aliy téxnika mehsulatlirini xitaygha sétishni cheklesh heqqide jiddiy murajetler otturigha qoyulghan idi. Rusiyining simapliq aliy téxnika mehsulatliri qachilan'ghan bu ikki yeshik yük hazir rusiye tamozhnisida tutup turulmaqta.

Weqe ashkarilan'ghandin, xitayning bir herbiy mutexessisi mulahize élan qilip 'hazir junggoning ikkinchi ewlad urushchi ayrupilanliri nahayiti ilghar, rusiyining suxuy 27 belgilik urushchi ayrupilan téxnikisi bizge kérek emes, özimiz hazir téximu zamaniwiyisini yasiyalaymiz' dep po atqan. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet