Xitay emeldarliri xitay ékologiyisining “Éghir” mesililerge duch kelgenlikini otturigha qoydi

Jüme küni xitayda élan qilin'ghan 2010-yilliq muhit doklati munasiwiti bilen chaqirilghan yighinda xitay ékologiyisining “Éghir” mesililerge duch kelgenliki otturigha qoyuldi.
Muxbirimiz jüme
2011.06.04
Share on WhatsApp
Share on WhatsApp

Doklatini xitay ékologiyilik muhitini qoghdash ministirliqi teyyarlighan.

Bu munasiwet bilen xitayning yuqiri derijilik emeldarliri xitay ékologiyisi heqqide qarashlirini otturigha qoydi we xitaydiki su we hawa süpitide yaxshilinish körün'gen bolsimu, yene nurghun tereplerdiki bashqurushning intayin ajiz ikenlikini ilgiri sürdi.

Bu heqte toxtalghan xitay mu'awin muhit ministiri li genji: omumiy ékologiyilik muhit ehwali yenila bek éghir, qiyinchiliq we riqabetlermu köp, dédi.

U yene, xitayda énérgiye menbelirining xorawatqanliqini ilgiri sürdi we: xitaydiki meynet sana'et bazilirining sheherlerdin yézilargha yötkilishi bilen yézilarmu bulghinishqa bashlidi, dédi.

Melum bolushiche, xitaydiki muhit mesilisi muqimsizliq amillirini keltürüp chiqiridiken.

Ötken hepte ichki mongghulda élip bérilghan naraziliq namayishining asasliq menbesi yenila yaylaqlarning buzulushi bilen munasiwetlik idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.