Uyghur yash ösmürlirige qarita bölgünchilikke qarshi terbiye kücheytilmekte

"Shinjang" ning tereqqiyatigha asasliq tehdit hésablan'ghan amillarning milliy bölgünchilik hemde qanunsiz diniy pa'aliyetler ikenlikini otturigha qoyghan xitay da'iriliri, Uyghur diyarining her qaysi jaylirida " bölgünchilikke qarshi turup, muqimliqni saqlash" témisi buyiche terbiyilesh xizmitini kücheytidighanliqini bildürdi.
Muxbirimiz eqide
2008-09-25
Share

Xitay axbarat wastilirining bu heqte bergen xewerliride, atalmish " üch xil küchler" we " bölgünchiler"ning öz tesirini Uyghur aptonom rayonidiki mekteplerge singdürüsh üchün, diniy étiqadi küchlük oqutquchilarni hemde oqughuchilarni nishan qilish arqiliq mektep oqughuchilirida bölgünchilik idiyisini urghutushqa urun'ghanliqi, shunga mekteplerde " bölgünchilikke qarshi turup, muqimliqni saqlash" teshwiqatini alahide kücheytish kérekliki otturigha qoyulghan.

Xewerde yene, yash - ösmürlerge bölgünchilikke qarshi idiye terbiyisini toxtimastin yürgüzgendila, andin partiye we döletning siyaset prinsiplirini ijra qilghili, shinjangning muqimliqini qolgha keltürgili bolidighanliqi tekitlinish bilen birge, ishenchilik warislarni yétishtürüshning eng muhim qorghani mektep ikenliki eskertilgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet